Dette er ei underside av nettstaden www.SigveSaker.no.
Nokre brukarar av DataBibelen har skaffa seg små, handhaldne datamaskinar, som Palm, Pocket PC og nokre mobiltelefonar, som ikkje kan kjøra den vanlege DataBibelen. Det finst eit gratis engelsk program, BibleReader frå www.OliveTree.com, som kan kjørast på mange av desse.
På CD-ane til DataBibelen datert 2004 eller nyare er det ei mappe BibReadr med bibelfiler for BibleReader. Der ligg DNB78/85-Bibelen på bokmål og nynorsk (altså den vanlege "kyrkjebibelen"), pluss 1930-Bibelen (bokmål) og 1921-Bibelen (nynorsk). Kvar fil er på ca 1,4 MB.
Merk: SigveSaker har aldri sett BibleReader i bruk, og kan dessverre ikkje hjelpe ved problem. Men det ser ut til at folk flest får til bruken greitt sjølv.
Då det bare er snakk om nokre få titals brukarar i året er det ingen planar om å laga modular til andre slike program for småmaskinar.
Eit par kundar har villa kjøpe BibleReader-modulane utan DataBibelen. Noreg er eit lite land, ekstraarbeidet med å lage separate tekstar til bare nokre få kunder i året ville truleg koste MINST kr 498,- med 25% mva. Me sel dei difor ikkje separat inntil vidare.
Dei fleste bruker i dag uansett MobBibel, som kan bruke ALLE tekstane i DataBibelen, ikkje bare eit par av biblane. Det er eit Java-program, og går på dei aller fleste moderne mobiltelefonar (unntatt iPhone, som manglar Java). Sjå meir på sida om MobBibel.