: MobBibel Brukardokumentasjon

Innholdsliste

1. Introduksjon
2. Funksjonar
3. Systemkrav
4. Installering
5. Tastebruk og navigering
6. Lagra tekstar på minnekortet
7. Brukarstøtte/feilrapportering

Introduksjon

Sjølve DataBibelen kjører på PC-ar. Men me har laga eit program MobBibel for store mobiltelefonar, og det bruker dei same tekstane som DataBibelen - sjølv om funksjonaliteten er nokså avgrensa.

Ein lastar ned eit program MBdeploy som kjører under Java på PC-en din, og som lagar programmet MobBibel med valgfrie tekstar av dei som er installert på harddisken, t.d. ein Bibel. Evt. også ein kryssreferanse, sangbok, andaktsbok, osv. Dette programmet overfører ein så til mobiltelefonen på vanleg måte, og kjører det der for å lese bibelvers, søke etter ord, osv.

Funksjonar

MobBibel har desse funksjonane:

• Lesing i tekstar frå DataBibelen.
• Oppslag på kjende bibelvers.
• Søk etter eitt eller fleire ord.
• Bokmerker for å finne att vers.
• Understreking av bibelvers ein liker.
• Lenker i tekstar slår opp i Bibelen.
• Historikk for å gå fram og tilbake.
• Innstillingar for skrift, farge, menyspråk, og rulling på Touch-telefonar.
• Send bibelvers til andre med SMS.
• Ein kan også legge tekstar på minnekortet, så det blir enkelt å legge til nye tekstar.

Systemkrav

For å bruke MobBibel treng ein:

• Ein PC med DataBibelen, men det er nok å laste ned og installere demoen.
• Java versjon 1.6 (heiter også versjon 6) eller nyare. Versjon 1.4/1.5 fungerer kanskje. Last evt ned nyaste versjon frå http://java.com/getjava
• Ein mobiltelefon som støtter Java (altså dei fleste unntatt iPhone og iPad, som jo heilt manglar Java).
• Ein måte å overføre MobBibel til mobilen.

Teknisk

Ikke alle mobilar kan kjøre MobBibel, sjølv om dei har Java. Ei rettleiande liste er på LWUIT DeviceDB. MobBibel er m.a. testa på Nokia 6300, Nokia N97, Nokia 5800 Express, og Sony Ericsson K850.

Om MobBibel ikkje fungerer på din mobil kan du forsøke den eldre versjonen MBgammal i staden for MBdeploy. Han har noko lavare systemkrav, sjekk om din mob har MIDP 2.0 og CLDC 1.1 i lista MIDP_mobile.jsp.

Om du ikkje kan kjøre nokon av versjonane av MobBibel, kan du sjå på BibleReader, som i alle fall kan vise nokre av Biblane.

På ein PC med Linux som har Java vil truleg denne kommandoen fungere for å lage MobBibel: java -jar mbdeploy.exe

Installering

1. Om du ikkje alt har DataBibelen, last ned og installer demoversjonen. Merk at det er opphavsrett på tekstane i sjølve DataBibelen, det er ikkje lov å gje tekstar frå denne vidare til andre.
2. Last ned MBdeploy til PC-en og start programmet, det ser noko slikt ut:
   
3. Velg kva tekstar du vil bruke med knappen Velg .... Tekstar bruker plass i minne, ein gammal mobil har kanskje bare plass til ein NT-tekst.
4. Om du har skjerm med fingerstyring krysser du av "Eg bruker ein Touch-telefon (ikkje vis virtuelt tastatur)".
5. Trykk "Opprett program" for å lage MobBibel.jar. VIKTIG! Noter deg tal-koden du får opplyst.
6. Overfør MobBibel.jar til mobiltelefonen på vanleg måte, slik det står i mobilen si brukarhandbok. Ofte bruker ein USB-kabel eller Bluetooth, og programvaren som fulgte med mobilen, t.d. Nokia PC Suite.
7. Start MobBibel på mobilen din, og skriv inn koden du fekk.
   
8. Velg Meny | Hjelp og lær deg programmet.
   Lykke til!

Tastebruk og navigering

Ein kan også finne dette i sjølve MobBibel-programmet, under Meny | Hjelp | Navigering

For telefonar med nummer-tastatur gjeld dette:

For telefoner med fingerstyring (Touch) gjeld dette:

Lagra tekstar på minnekortet

For å legge ein ny tekst til MobBibel må ein kjøre MBdeploy omatt, velge alle tekstane ein vil ha (også dei som vart valgt sist), og lage ny MobBibel-fil.

Erfarne brukarar kan i staden velge å kopiere tekstane til minnekortet i mobilen, slik at dei seinare bare overfører dei nye tekstane dei vil legge til utan vidare. Ulempen er at ein kanskje må bruke eit par tastetrykk ekstra kvar gong MobBibel startar, for å gje programmet systemrettar.

Å legge tekstar på minnekortet gjer ein slik:

1. Opprett ei mappe på minnekortet i mobilen, t.d. E:/BIBEL.
2. Kopier over biblane, kryssreferansane og dei andre tekstane du ynskjer til mappa. Inni DataBibelen kan du bruke Ctrl-I for å finne filnavna.
3. Last ned og start MBdeploy på PC-en.
4. Lag ein MobBibel utan tekstar, bruk knappen Fjern alle.
5. Overfør denne MobBibel til mobiltelefonen.
6. Du må kanskje gje MobBibel systemrettane Les brukerdata og Legg til og rediger. Til dømes på Nokia 6300 gjer du dette slik:
   • Finn MobBibel i Programmer-menyen.
   • Trykk Valg.
   • Velg Programtilgang.
   • Under Datatilgang, sett Les brukerdata og Legg til og rediger til Spør hver gang.
7. Når du deretter startar MobBibel får du spørsmål om kor filene ligg. Naviger fram til mappa du laga på minnekortet.

Brukarstøtte/feilrapportering

Me vil gjerne ha melding om du meiner du har oppdaga feil i MBdeploy og/eller MobBibel. Men me har dessverre ikkje konkret kunnskap om overføring og starting av filer på akkurat din mobiltelefon.

Tilbake til www.SigveSaker.no
Versjon 22mai2010.